კომპანია QNET-ი „რუსთავი 2"-ის სიუჟეტს სპეციალური განცხადებით ეხმაურება. განცხადებაში ნათქვამია, რომ QNET-ი პოლიტიკურ ორგანიზაციას არ წარმოადგენს და ეკა ბესელიასთან კავშირი არ აქვს.

„კომპანია QNET-ისთვის ცნობილი გახდა ტელეკომპანია „რუსთავი 2"-ის შაბათის კურიერში გაშვებული სიუჟეტის შესახებ, სადაც „რუსთავი 2"- ის ჟურნალისტი და რეპორტიორი კომპანია QNET-ს მოიხსენიებს, როგორც „ფინანსურ პირამიდას”, „თაღლითურ სქემას” და ა.შ. „რუსთავი 2"-ის სრული სიუჟეტი მიეძღვნა კომპანია QNET-ის დისკრედიტაციას და მისი საქმიანობის ხელისშეშლას საქართველოში.

კომპანია QNET-ი არ წარმოადგენს პოლიტიკურ ორგანიზაციას და არანაირი კავშირი არ აქვს და არც ჰქონია ქალბატონ ეკა ბესელიასთან. გავრცელებული ინფორმაცია გახლდათ სრული სიცრუე.

კომპანია QNET-ი წარმოადგენს პირდაპირი გაყიდვების კომპანიას. დაარსებულია 20 წლის წინ მალაიზიაში და ამჟამად 100-ზე მეტი წარმომადგენლობა გააჩნია სხვადასხვა ქვეყანაში. კომპანია საქმიანობს კანონდებლობის შესაბამისად და არანაირი კავშირი არ გააჩნია სიუჟეტში მოყვანილ არალეგალურ ფინანსურ სქემებთან. კომპანია QNET-ის პროდუქცია სერტიფიცირებულია მსოფლიოს აკრედიტირებული ინსტიტუტების მიერ და ფართოდ ტირაჟირდება მსოფლიოს წამყვანი სააგენტოების მეშვეობით. კომპანია არის „მანჩესტერ სიტის” საფეხბურთო გუნდის სპონსორი და ასევე სხვა უამრავი საგანმანათლებლო და საქველმოქმედო აქციის მხარდამჭერი. ამის მაგალითია თქვენს ქვეყანაში განხორციელებული არაერთი სპორტული და საქველმოქმედო ღონისძიება, რომელიც ნახსენები არ იყო თქვენს სიუჟეტში.

არანაირი შეხება არ გვაქვს კომპანიის ბიზნესის არალეგალურ საქმიანობასთან, თუკი ასეთი არსებობს. კომპანია პასუხისმგებელია ხარისხიან და სანდო მაღალი ხარისხის პროდუქციის წარმოებაზე და თუკი, ზოგიერთი არაკეთილსინდისიერი მოქალაქე იყენებს ბიზნესის წარმოების არაკანონიერ გზებს, ჩვენ მოხარული ვიქნებით თუკი მსგავსი ქმედებები გამოძიებული იქნება.

კომპანია QNET-ის პატივისა და ღირსების შებღალვისთვის ტელეკომპანია „რუსთავი 2 ''- ისგან ვითხოვთ საჯარო ბოდიშს. წინააღმდეგ შემთხვევაში, ვიტოვებთ უფლებას მივმართოთ სასამართლოს ჩვენი კანონიერი უფლებების დასაცავად", აღნიშნულია კომპანიის მიერ გავრცელებულ განცხადებაში.