„მივესალმები ცვლილებების სურვილს, რომელიც პრემიერობის კანდიდატის განწყობებსა და სამოქმედო პროგრამაში იკვეთება“, აცხადებს „ქართული ოცნების“ დეპუტატი მერაბ ქვარაია, რომელიც პრემიერ მინისტრობის კანდიდატის, მამუკა ბახტაძის მიერ წარმოდგენილი ახალი სამთავრობო პროგრამის წარმოდგენის შემდეგ ამბობს, რომ მთავარია თითოეული ცვლილება დარგის სპეციალისტების მიერ სიღრმისეული კვლევის შედეგად განხორციელდეს“.

„როცა ხელისუფლება რეფორმებისკენ არის მოწოდებული, ეს ნიშნავს რომ ის ადეკვატურია იმ მოთხოვნებისა და ტენდენციების, რაც თანამედროვე მსოფლიოშია. ჩვენს დინამიურ სამყაროში, რომელიც ყოველწუთიერად იცვლება, აუცილებელია მუდმივი სწრაფვა სახელმწიფო ინსტიტუტებისა და სისტემების სრულყოფისკენ და აუცილებელია ფეხი ავუწყოთ ამ დინამიკას. მთავარია თითოეული ცვლილება დარგის სპეციალისტების მხრიდან შესაბამისი ექსპერტული ანალიზისა და სიღრმისეული კვლევის შედეგად განხორციელდეს“, განაცხადა მერაბ ქვარაიამ.