იუსტიციის მინისტრი თეა წულუკიანი აცხადებს, რომ სამი კვირის შემდეგ იქნება თუ არა მამუკა ბახტაძის კაბინეტში, გარკვეულ ინფორმაციას ფლობს, თუმცა, არ იცის რა შემადგენლობით წარსდგება პრემიერ მინისტრი.

„რაც შეეხება ჩემს კანდიდატურას, ამის შესახებ გარკვეული ინფორმაცია მაქვს, მაგრამ პრემიერ მინისტრის პრეროგატივაა, თავისი კაბინეტი შეადგინოს. ვიყავი, ვარ და ვიქნები ყოველთვის „ქართული ოცნების” გუნდური მოთამაშე. პრემიერ მინისტრის პრეროგატივაა, რომ სრულფასოვანი კონსულტაციების გზით შეადგინოს ახალი, 11 წევრიანი კაბინეტი.

არ ვიცი, პრემიერ მინისტრი რა შემადგენლობით წარსდგება. პარლამენტში ბევრ ადამიანს ჰგონია, რომ ყველა კითხვაზე პასუხი ვიცი და ეჭვი აქვთ, რომ პასუხს არ გაძლევთ. 2012 წლის 1-ლი ოქტომბრის გამარჯვებისთვის პატარა კენჭი დავდე, „ქართული ოცნების” ლურჯი დროშის ქვეშ, 72%-ით გამარჯვება დავდე და მას შემდეგ „ქართულ ოცნებასთან” ერთად ვარ და ზუსტად ვიცი, რომ მომავალშიც „ქართულ ოცნებასთან” ერთად ვიქნები“, აცხადებს წულუკიანი.