როგორი საარჩევნო სისტემითაც (პროპორციული, მაჟორიტარული, თუ შერეული) არ უნდა ჩატარდეს საქართველოში 2016 წლის საპარლამენტო არჩევნები, ქართველი ამომრჩეველი ხმის მიცემისას უწინარესად პერსონალიებზე გაამახვილებს ყურადღებას და არა იმაზე, თუ რომელი პარტიის ან ბლოკის სიაში იქნება ესა თუ ის პოლიტიკოსი! რატომ? იმიტომ, რომ კატასტროფულად დისკრედიტირებულია ქვეყანაში არსებული პოლიტიკური "ელიტის ავტორიტეტი" და მისი რეაბილიტაცია წელიწადნახევარში ვერ მოხერხდება! უპირველესად, ეს ეხება მმართველ კოალიციას "ქართულ ოცნებას" ("ნაცმოძრაობას" კი, წელიწადნახევარი კი არა, 5–6 წლის შემდეგაც "გამარჯვების" არანაირი შანსი არ აქვს), ამიტომ, უმნიშვნელოვანესი იქნება ახალი, მაგრამ პროფესიონალი და პატრიოტი კადრების შერჩევა და დეპუტატობის კანდიდატებად წარმოჩენა! დიახ, ეს საკითხი თანამედროვე საქართველოს უდიდეს პრობლემად იქცა, რადგანაც – ქართველი ხალხის ნდობა არსებული პოლიტიკური სპექტრისადმი ძალიან დაბალია და ამიტომაც, – "მესიების მოლოდინშია" ამომრჩეველი, რაც, უფრო ღრმა საზოგადოებრივ–პოლიტიკური ჩიხისკენ უბიძგებს ქვეყანას! ყველასთვის ცნობილია, რომ პარტიული (მით უმეტეს, კოალიციური) საარჩევნო სიის შედგენა და დამტკიცება "დიდ ვნებათაღელვასთან არის დაკავშირებული", მაგრამ, თუ წარმატება და გამარჯვება სურს "ქართულ ოცნებას", მაშინ, მას დაახლოებით 2/3 ახალი სადეპუტატო კორპუსის წარდგენა მოუწევს! წინააღმდეგ შემთხვევაში, თვით ბიძინა ივანიშვილიც კი, სათავეში რომ ჩაუდგეს დღეს არსებულ საპარლამენტო უმრავლესობას, მათი გამარჯვების შანსი 2016 წლის საპარლამენტო არჩევნებში, "მინიმალურზე ნაკლები იქნება"!!!...



ჯუმბერ კირვალიძე,

პოლიტოლოგი