საპარლამენტო უმრავლესობის წევრი ნუკრი ქანთარია მთავრობაში დაგეგმილ სტრუქტურულ რეორგანიზაციასთან დაკავშირებით კომენტარს აკეთებს და აცხადებს, რომ ლოგიკურია იუსტიციის სამინისტროსა და სასჯელაღსრულების სამინისტროს შესაძლო გაერთიანება, ხოლო მისივე თქმით, კულტურისა და სპორტის სამინისტროს გაერთიანება განათლების სამინისტროსთან „ეს დაახლოებით ისეა, ტვინში რომ გული ჩავსვათ".

„სამინისტროების რაოდენობის შემცირებას ვეთანხმები, თუმცა არა კულტურის სამინისტროს ხარჯზე. სასჯელაღსრულების სამინისტროსა და იუსტიციის სამინისტროს გაერთიანება უფრო ლოგიკურია, ვიდრე განათლებისა და კულტურის გაერთიანება, ეს დაახლოებით ისეა, ტვინში რომ გული ჩავსვათ. გული უნდა იყოს გულის ადგილას, ტვინი უნდა იყოს თავში, ჩემი აზრი ასეთია და შევეცდები დავასაბუთო. რაც შეეხება დევნილთა სამინისტროსა და ჯანდაცვის სამინისტროს გაერთიანებას, ეს უკვე პრაქტიკული საკითხია და აქ ვფიქრობ, ეროვნულ იდენტობაზე საუბარი არ არის“, განაცხადა ნუკრი ქანთარიამ.