გარდაცვლილ ადამიანებს ჩვენ ვუკრძალავთ უცხოეთში შესვლას და სავიზო და ფინანსური სანქციების დაწესებას ვითხოვთ მათ მიმართ, ასე ეხმაურება „ერთიანი ნაციონალური მოძრაობის" წევრი რომან გოცირიძე „ოთხოზორია-ტატუნაშვილის“ სიაში გარდაცვლილი ადამიანების შეყვანის საკითხს.

„ორი საკითხი არის გადასაწყვეტი. პირველი - რეზოლუციიდან უნდა ამოვიღოთ ეს შეზღუდვა და მხოლოდ ბრალდებულებს და მსჯავრდებულებს არ უნდა ეხებოდეს. სია უნდა იყოს უფრო ფართო. და ნურავის ეგონება, რომ ეს სია არის რაღაც სისხლისსამართლებრივი დევნის მექანიზმი. სია არის პოლიტიკური აქტი. ამიტომ, ჩვენი წინადადებაა, რომ სასწრაფოდ იქნას გადახედილი პარლამენტის რეზოლუცია და ამ სიაში რეალურად იყვნენ შეყვანილი დამნაშავეები, მათ შორის, რუსეთის მოქალაქეები", განაცხადა რომან გოცირიძემ.

ოთხოზორია-ტატუნაშვილის 33-პირიან სიაში შემდეგი ადამიანები არიან შეყვანილი: 1. დავით ჯემალის ძე გურწიევი; 2. ალიკ ფიროდის ძე ტაბოევი; 3. რაშიდ კანჯიოღლი; 4. სლავის სვიატოსლავის ძე ბადია; 5. რაულ მახტის ძე კორტავა; 6. ზაურ ანდროს ძე ჭითანავა; 7. ციბრონა (ეკა) ახალაია; 8. ოთარ ტურნანბა; 9. ალიკა წაბრია; 10. რუსლან დომენტის ძე ჯოპუა; 11. როზა ჯოჯოს ასული მირცხულავა; 12. დიმიტრ არშბა; 13. ვლადიმერ გუნია; 14. ალხაზ მირცხულავა; 15. გია ტუჟბა; 16. გენრიხ გენრიხის ძე ჭანბა; 17. ვლადიმერ გრიგოლის ძე ანუა; 18. ზაურ ცეცხლაძე იგივე მიხეილ თარბა; 19. გენადი ბაგრატის ძე აშხაცავა; 20. გელა ალეკოს ძე ვანაჩა; 21. ოთარ ფალავანძია; 22. ოლეგ პაპასკირი; 23. აფრიკან ბგანბა; 24. ვახტანგ უბირია; 25. ვლადიმერ ემინის ძე ნაჩაჩ-ოღლი; 26. შურიკ (ალექსანდრე) კოკოსკერია; 27. ლევ სარდინოის ძე ბიჩენოვი; 28. გია თუაევი; 29. ფისო ივანეს ძე ვაზაგოვი; 30. თამაზ ოთარის ძე ბესტაევი; 31. რამჩიკ ედიკას ძე ფუხაევი; 32. არკადი ოთარის ძე ძერანოვი; 33. ზურაბ თენგიზის ძე დუდაევი.