„ერთიანი ნაციონალური მოძრაობის“ ერთ-ერთი ლიდერი ნიკა მელია მიიჩნევს, რომ პრემიერ მინისტრ მამუკა ბახტაძის მიერ წარმოდგენილი მცირე მთავრობის სტრუქტურა ქვეყანაში არსებულ მძიმე სოციალურ-ეკონომიკურ მდგომარეობას ვერ შეამსუბუქებს და იმ პირობებში, როცა „ძალაუფლების ცენტრი არის ბიძინა ივანიშვილი“, მნიშვნელობა არ აქვს გახარია და ბახტაძე „ერთ სამუშაო კაბინეტში ისხდებიან თუ სხვადასხვა სამუშაო კაბინეტში“.

„განვლილმა ექვსმა წელიწადმა ხომ დაგვანახა რომ თვითან თვემდე, დღიდან დღემდე უფრო და უფრო მძიმდება ვითარება და მდგომარეობა ქვეყანაში. ამიტომ, ბატონი გახარია და ბატონი ბახტაძე, პირდაპირი გაგებით, ერთ სამუშაო კაბინეტში ისხდებიან თუ სხვადასხვა სამუშაო კაბინეტში ისხდებიან, ამით მოქალაქეს რა ხეირი ან ნუგეში?! ამიტომ მიმაჩნია, რომ სიმძიმის ცენტრი ერთხელ და სამუდამოდ უნდა გავიგოთ - ძალაუფლების ცენტრი არის ბიძინა ივანიშვილი და ყველა დანარჩენი სამინისტრო, ყველა დანარჩენი მინისტრი, ისინი წარმოადგენენ უბრალოდ ფიგურებს ბიძინა ივანიშვილის საჭადრაკო დაფაზე და როგორც უნდა, როცა უნდა გადაანაცვლებს“, განაცხადა ნიკა მელიამ.