„ერთიანი ნაციონალური მოძრაობის" პოლიტიკური საბჭოს თავმჯდომარე ნიკა მელია აცხადებს, რომ შინაგან საქმეთა სამინისტროს მაღალჩინოსნებს მოუწევთ დაამტკიცონ, რომ როდესაც ზაზა სარალიძის მხარდამჭერ აქცია მისი დაკავება მოხდა, მართლსაწინააღმდეგო ქმდებას ნამდვილად სჩადიოდა.

როგორ მელია ამბობს, იმ შემთხვევაში, თუ ამისი დამტკიცება ვერ მოხდება, უწყების მაღალი თანამდებობის პირები უნდა გადადგნენ.

„ყველა მოძალადე მაღალი თანამდებობის პირი შინაგან საქმეთა სამინისტროში დაუჯდება ძალიან ძვირად როგორც სამართლებრივად, ასევე პოლიტიკურად. ყველაფერი დეტალურად, რა თქმა უნდა, მოვახსენე გამოძიებას - ვინ იღებდა კონკრეტულად ამ მართლსაწინააღმდეგო ქმედებაში მონაწილეობას, დაწყებული ბატონი გახარიათი, გაგრძელებული მისი მოადგილე საბანაძეთი და საპატრულო პოლიციის უფროსი კუპატაძეთი და შემდეგ თბილისის რაიონული სამმართველოს უფროსები. აი, ამ ადამიანებს მოუწევთ დაკითხვაზე მოსვლა როგორც პროკურატურაში, ასევე სასამართლოში. ამ ადამიანებმა ძალიან მარტივი რამ უნდა დაამტკიცონ, სად რა დააშავა და რა მართლსაწინააღმდეგო ქმედება ჩაიდინა დაკავებულმა, ამ შემთხვევაში მე და თუკი, ამას ვერ ამტკიცებენ და ვერ დაამტკიცებენ იმიტომ, რომ არ არსებობს ბუნებაში ერთი მტკიცებულებაც, მათ მოუწევთ, როგორც მინიმუმ, თანამდებობების დატოვება", განაცხადა ნიკა მელიამ, რომელიც აღნიშნულ საკითხთან დაკავშირებით დღეს დაკითხვაზე თბილისის პროკურატურაში იმყოფებოდა.