საქართველოს სახალხო დამცველის განცხადებით, შინაგან საქმეთა სამინისტროში გამართულ შეხვედრაზე გადაწყდა, რომ ხორავას ქუჩაზე მომხდარი მკვლელობის საქმესთან დაკავშირებით, ვინაიდან ბრალის წარდგენა პროკურატურის პრეროგატივაა, მსჯელობა სამუშაო რეჟიმში სწორედ პროკურატურასთან გაგრძელდება.
როგორ შეხვედრის დასრულების შემდეგ ნინო ლოჯარიამ ჟურნალისტებს განუცხადა, სამუშაო ფორმატში მონაწილეობას ომბუდსმენის აპარატის წარმომადგენლებიც მიიღებენ.
„მიღებულ იქნა გადაწყვეტილება, რომ ამ საკითხებთან დაკავშირებით იქიდან გამომდინარე, რომ პროკურატურის პრეროგატივაა საბოლოო ჯამში ბრალის წარდგენა, მან უნდა მიიღოს ეს გადაწყვეტილება, ამ საკითხებთან დაკავშირებით გაგრძელდეს სამუშაო ფორმატში მსჯელობა პროკურატურასთან, სადაც მეც გამოვხატე მზაობა, რომ სახალხო დამცველის წარმომადგენლებიც მიიღებენ ამ ფორმატში მონაწილეობას....
ბრალის წარდგენასთან დაკავშირებით, გადაწყვეტილებას იღებს პროკურატურა, შესაბამისად, ამ საკითხთან დაკავშირებით, სასაუბრო არის პროკურატურასთან", განაცხადა ნინო ლომჯარიამ.
შეხვედრა შსს-ში, რომელსაც ხორავას ქუჩაზე მოკლული არასრულწლოვნის, დავით სარალიძის მამა ზაზა სარალიძე ადვოკატთან ერთად ესწრებოდა, ცოტა ხნის წინ დასრულდა.
შეხვედრიდან გამოსულმა სარალიძემ ჟურნალისტებს უთხრა, რომ პროტესტს წყვეტს, რადგან მიიღო პირობა, რომ საქმესთან დაკავშირებით რადიკალური ნაბიჯები იქნება გადადგმული.
შეხვედრას წინ ზაზა სარალიძის რამდენიმესაათიანი პროტესტი უძღოდა. მოკლული მოზარდის მამა გუშინ, 2 ივლისს შსს-ში მივიდა, როგორც თავად აცხადებს იმ მიზნით, რომ გაერკვია, ემხრობოდა თუ არა უწყება მკვლელობის საქმის შემსწავლელი დროებითი საგამოძიებო კომისიის რეკომენდაციას მ.კ.-ს მიმართ სისხლისსამართლებრივი დევნის დაწყებასთან დაკავშირებით.
იგი კრიმინალური პოლიციის დირექტორს შეხვდა და მისივე თქმით, გაარკვია, რომ რეკომენდაციას შსს არ ემხრობოდა.
აღნიშნულის შემდეგ კი, მოკლული მოზარდის მამამ განაცხადა, რომ შსს-ს ეზოში დარჩებოდა მანამ, სანამ მისი შვილის მკვლელს არ დააკავებდნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.