ადიგენის მუნიციპალიტეტის ახალგაზრდულ ცენტრში საქართველოს მწვანეთა მოძრაობა/დედამიწის მეგობრები - საქართველოს ორგანიზებით, საინფორმაციო შეხვედრა გაიმართა.

შეხვედრა პროექტის, „არასამთავრობო/სამოქალაქო საზოგადოების ორგანიზაციების გაძლიერებით მათი ჩართულობის უზრუნველყოფა გადაწყვეტილების მიღების პროცესში ადგილობრივ და ეროვნულ დონეებზე“ ფარგლებში შედგა.

შეხვედრას ადიგენის მუნიციპალიტეტის მერი ზაქარია ენდელაძე, მერიის თანამშრომლები და საკრებულოს დეპუტატები ესწრებოდნენ.

„შეხვედრის მიზანს წარმოადგენდა ადიგენის მუნიციპალიტეტის ხელმძღვანელობასა და მუნიციპალიტეტის თანამშრომლებს მიეღოთ ინფორმაცია პროექტის მიზნებისა და ამოცანების, ასევე, პროექტის ფარგლებში მათ მუნიციპალიტეტში დაგეგმილი ღონიძიებების შესახებ.

პროექტი ხორციელდება ევროკავშირის ფინანსური მხარდაჭერით და მას ახორციელებენ საქართველოს მწვანეთა მოძრაობა/დედამიწის მეგობრები–საქართველო; სითი ინსტიტუტი საქართველო; სამეცნიერო–ინტელექტუალური კლუბი „თაობათა დიალოგი“ და საზოგადოებრივი დამცველი.

პროექტი ითავლისწინებს სამოქალაქო საზოგადოების ორგანიზაციებისა და ადგილობრივი თვითმმართველობების გაძლიერებას, საზოგადოების ცნობიერების ამაღლებას გარემოზე ზემოქმედების შეფასების პროცედურასთან დაკავშირებით და მათი ჩართულობის ხელშეწყობას გადაწყვეტილების მიღების პროცესში.

შეხვედრაზე მერმა ზაქარია ენდელაძემ გამოთქვა პროექტში აქტიური მონაწილეობის მზაობა", ნათქვამია ადიგენის მერიის პრესსამსახურის მიერ გავრცელებულ ინფორმაციაში.