ხორავას ქუჩაზე მომხდარი მკვლელობის საქმეზე შექმნილი დროებითი საგამოძიებო კომისია დღეს იმ არასრულწლოვნებს დაკითხავს, რომლებიც პირველ დეკემბერს მომხდარი დანაშაულისა და შემდგომ განვითარებული მოვლენების თვითმხილველები არიან.
როგორც კომისიის წევრი ოთარ კახიძე ამბობს, მათგან მიღებული ინფორმაცია დამუშავდება საქმის მასალებთან ერთად და ის კომისიის შემდგომ დასკვნებს დაედება საფუძვლად.
არასრულწოვნებს პროფესიონალი ფსიქოლოგების თანდასწრებით დაკითხავენ.
ოთარ კახიძის თქმით, დროებითი საგამოძიებო კომისია 51-ე და პირველი ექსპერიმენტული სკოლების ხელმძღვანელობასაც დაკითხავს.
„დღეს პარლამენტის დროებითი საგამოძიებო კომისია განაგრძობს მოწმეებისგან ახსნა-განმარტებების მიღებას. ამჯერად ჩვენ გამოვკითხავთ არასრულწოვნებს, რომლებიც არიან ამ კონკრეტული დანაშაულის და შემდგომ განვითარებული მოვლენების თვითმხილველები. ჩვენ მათგან მივიღებთ ინფორმაციას, რომელიც დამუშავდება საქმის მასალებთან ერთად და დაედება საფუძვლად კომისიის შემდგომ დასკვნებს. არასწრულწლოვნების გამოკითხვა და მათგან ახსნა-განმარტებების მიღება მოხდება პროფესიონალი ფსიქოლოგების მონაწილეობითა და მათი უშუალო ჩართულობით“, განაცხადა ოთარ კახიძემ.
დროებითი საგამოძიებო კომისიის შემდეგი სხდომა შაბათს გაიმართება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.