დევების ბაშოს ორგანიზატორები ხარაგაულის მერს, ნიკოლოზ თოფურიძეს შეხვდნენ და სუმოს სამოყვარულო ჩემპიონატის ჩასატარებლად კონკრეტულ დეტალებზე იმსჯელეს.
ნიკოლოზ თოფურიძემ ახალგაზრდებს სრული მხარდაჭერა აღუთქვა და დოჰიოს მოსაწყობად კონკრეტული დეტალები შესაბამის სამსახურებთან ერთად განიხილა.
ტურნირის მხარდამჭერი ხარაგაულის მუნიციპალიტეტის მერიაა.
საქართველოში პირველად, სუმოს სამოყვარულო ჩემპიონატი ხარაგაულში ე.წ. დევების მიმდებარე ტერიტორიაზე, 14 ივლისს, ჩატარდება.
დევების ბაშო ტოჩინოშინისა და გაგამარუს მხარდასაჭერად, სუმოს პოპულარიზაციისა და ჯანსაღი ცხოვრების წესის დამკვიდრებისთვის ტარდება.
სუმოს სამოყვარულო ჩემპიონატის მხარდასაჭერად თითქმის მსოფლიო გაერთიანდა და დევების ბაშოს მხარდამჭერი ვიდეოები ათეულობით ქვეყნიდან გავრცელდა. სუმოს ჩემპიონატს მხარს უჭერენ სპორტის სხვადასხვა სახეობაში ჩემპიონი და გამარჯვებული სპორტსმენები.
დევების ბაშოს ტურნირს უკვე ათეულობით სპონსორი და მხარდამჭერი ჰყავს.
ინფორმაციას ხარაგაულის მერიის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.