მცხეთა-მთიანეთის სახელმწიფო რწმუნებულმა-გუბერნატორმა ლევან ზაუტაშვილმა, მოადგილესთან მანანა ნარიმანიძესთან და მუნიციპალური განვითარების ფონდის წარმომადგენლებთან ერთად, ქალაქ დუშეთის ის ნაწილი დაათვალიერა, სადაც სულ მალე, რეგიონული განვითარების მესამე პროექტის ფარგლებში, ისტორიული უბნების ურბანული განახლება დაიწყება.
აღნიშნული პროექტი ფინანსდება მსოფლიო ბანკის მიერ და ახორციელებს მუნიციპალური განვითარების ფონდი. პროექტის ფარგლებში იგეგმება 40 სახლის რესტავრაცია, მიმდებარე ქუჩების რეაბილიტაციის ჩათვლით. განხორციელდება ფასადური სამუშაოები, მოეწყობა გარე განათებები, ტროტუარები, ბორდიურები. სამშენებლო სამუშაოებზე ტენდერი გამოცხადებულია. სარეკონსტრუქციო სამუშაოების დაწყება ზაფხულის ბოლოს იგეგმება.
ვიზიტის ფარგლებში მოხდა შეხვედრა ისტორიული უბნების შენობა-ნაგებობების მფლობელებთან. გუბერნატორმა, მუნიციპალური განვითარების ფონდის წარმომადგენლებთან ერთად, მესაკუთრეებს პროექტის შესახებ დეტალური ინფორმაცია მიაწოდა და აღნიშნული პროექტის პოტენციური სარგებლიანობის თაობაზე ესაუბრა. ლევან ზაუტაშვილის განცხადებით, დუშეთის ეს ნაწილი ქალაქის მოსახლეობითვის ისტორიული და კულტურული ღირებულების მატარებელია. სარეკონსტრუქციო-სარეაბილიტაციო სამუშაოების დასრულების შემდეგ, განახლებული უბნები, ადგილობრივებისთვის და ტურისტებისთვის, ატრაქციის მნიშვნელოვანი ცენტრი გახდება.
ინფორმაციას დუშეთის მუნიციპალიტეტის მერიის პრესამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.