წვრთნებისა და სამხედრო განათლების სარდლობის საერთო საჯარისო ცენტრის ავიაციისა და საჰაერო თავდაცვის სკოლაში ახლო საჰაერო მხარდაჭერის სპეციალისტების მომზადების კურსი მიმდინარეობს. დღეს მხარდამჭერი ცენტრი ,,კრწანისის“ ტერიტორიაზე კურსის ფარგლებში პრაქტიკული მეცადინეობა ჩატარდა. კურსის მონაწილეებმა სამედიცინო ევაკუაციისა და ახლო საჰაერო მხარდაჭერის მიზნით ვერტმფრენი გამოიძახეს. მსმენელებმა დასახულ ამოცანას თავი წარმატებით გაართვეს.
სპეციალურ მომზადებას I ქვეითი ბრიგადის მე-12 მსუბუქი ქვეითი ბატალიონის A და C ასეულის სამხედრო მოსამსახურეები გადიან, რომლებიც ნატოს რეაგირების ძალებშიც (NRF) ირიცხებიან. სასწავლო კურსი ავიაციისა და საჰაერო თავდაცვის სარდლობის ქვედანაყოფების პირადი შემადგენლობისა და საავიაციო ტექნიკის მხარდაჭერით განხორციელდა.
კურსის განმავლობაში მსმენელები შეისწავლიან: საფრენი აპარატების სახეობებსა და ამოცნობას, საფრენოსნო ეკიპაჟთან კომუნიკაციას, საავიაციო მეტეოროლოგიას, მარშალის სიგნალებსა და საფრენი აპარატის საფრთხეებს.
ინფორმაციას თავდაცვის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.