ევროკავშირის საბჭოს პრეზიდენტი დონალდ ტუსკი ამერიკის შეერთებული შტატების პრეზიდენტს, დონალდ ტრამპს მიმართავს. „აშშ-ს არც ჰყოლია და არც ეყოლება ევროპაზე სანდო პარტნიორი", - ეს არის ტუსკის მთავარი გზავნილი, რომელიც ევროკავშირის საბჭოს პრეზიდენტის თქმით, ტრამპმა ნატო-ს სამიტსა და რუსეთის პრეზიდენტთან, ვლადიმერ პუტინთან ჰელსინკში დაგეგმილ შეხვედრაზე უნდა გაითვალისწინოს.
ტუსკის განცხადებით, პრეზიდენტი ტრამპი აკრიტიკებდა ევროკავშირს თავდაცვისთვის გაწეული არასაკმარისი ხარჯების გამო, იმ ფონზე, როდესაც ევროკავშირი თავდაცვაზე ხარჯავს გაცილებით მეტს, ვიდრე რუსეთი და იმდენივეს, რამდენსაც ჩინეთი.
ევროკავშირის საბჭოს პრეზიდენტის თქმით, სანდო პარტნიორობის ნათელი მაგალითი არის ის, რომ „საერთო მტრის" წინააღმდეგ ბრძოლაში, ევროპელი ჯარისკაცები ამერიკელ ჯარისკაცებთან ერთად იბრძვიან და იღუპებიან.
„მინდა მივმართო ამერიკის შეერთებული შტატების პრეზიდენტს, დონალდ ტრამპს, რომელიც ცოტა ხნის წინ აკრიტიკებდა ევროკავშირს თავდაცვისთვის გაწეული არასაკმარისი ხახრჯების გამო. ბატონო ტრამპო, შეერთებული შტატებს არ ჰყოლია და არც ეყოლება ევროპაზე საიმედო პარტნიორი. დღეს, ევროკავშირი თავდაცვაზე ხარჯავს გაცილებით მეტს, ვიდრე რუსეთი და იმდენივეს, რამდენსაც ჩინეთი. რა თქმა უნდა, ფული მნიშვნელოვანია, მაგრამ სოლიდარობა უფრო მეტად. ევროპამ მნიშვნელოვანი წვლილი შეიტანა საერთო მტრის წინააღმდეგ ბრძოლაში მას შემდეგ, რაც შეერთებულ შტატებზე 11 სექტემბრის ტერაქტი განხორციელდა. ევროპელი ჯარისკაცები ამერიკელ ჯარისკაცებთან ერთად იბრძვიან და ამ ბრძოლაში იღუპებიან. გთხოვთ, ეს გახსოვდეთ ხვალ ნატო-ს სამიტზე და ჰელსინკში, სადაც პუტინს შეხვდებით", განაცხადა ტუსკმა ნატო-ს სამიტის გახსნამდე, იენს სტოლტენბერგთან და ჟან-კლოდ იუნკერთან ერთად გამართულ პრესკონფერენციაზე.
შეერთებული შტატების პრეზიდენტი დონალდ ტრამპი და მისი რუსი კოლეგა ვლადიმერ პუტინი ერთმანეთს 16 ივლისს, ჰელსინკში შეხვდებიან. ლიდერებს შორის აღნიშნულ ფორმატში შეხვედრა პირველად გაიმართება.
რუსეთის და ამერიკის შეერთებული შტატების პრეზიდენტების ივლისში დაგეგმილი შეხვედრა რამდენიმე საათი გაგრძელდება, რის შემდეგაც ერთობლივ პრეს-კონფერენციაზე ჟურნალისტებისთვის განცხადებები გაკეთდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.