ადიგენის მუნიციპალიტეტში საგზაო ინფრასტრუქტურის მოწესრიგება გრძელდება. მუნიციპალიტეტში მიმდინარე ინფრასტრუქტურული ღონისძიებები სამცხე-ჯავახეთის გუბერნატორმა, კახა სამხარაძემ მოინახულა.
კახა სამხარაძემ ლელოვანი-ამხერის საავტომობილო გზის მშენებლობის სამუშაოები დაათვალიერა.
პროექტის სახელშეკრულებო ღირებულებაა 1 146 542 ლარი. გზის სიგრძეა 2.9 კმ. პროექტის სიკეთით ისარგებლებს ლელოვანისა და ამხერის მოსახლეობა -1431 ბენეფიციარი, აგრეთვე ტურისტები, რომლებიც თრიალას ტბების მოსანახულებლად გადაადგილდებიან.
„გზის აღდგენა მნიშვნელოვნად შეუწყობს ხელს ტურისტების ნაკადის ზრდას ამ მიმართულებით. პროექტი დაფინანსებულია რეგიონებში განსახორციელებელი პროექტებისფონდიდან.
ადგილობრივებს წლების განმავლობაში ამორტიზებული გრუნტის გზით სარგებლობა უწევდათ. ასფალტის საფარი პირველად იგება ამ სოფლებში, რაც ძალიან მნიშვნელოვანია მოსახლეობისთვის, როგორც ეკონომიკური ასევე სოციალური თვალსაზრისით", აღნიშნა კახა სამხარაძემ.
ინფორმაციას სამცხე-ჯავახეთის სამხარეო ადმინისტრაცია ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.