ანალიტიკოსი ვაკა გორგილაძე აცხადებს, რომ თუკი პარტია „ქართული ოცნების“ თავმჯდომარე ბიძინა ივანიშვილი საპრეზიდენტო არჩევნებში მიიღებს მონაწილეობას, არანაირი პრობლემა მას არ შეექმნება, თუმცა ექსპერტი გამორიცხავს ამ შესაძლებლობას და უფრო ლოგიკურად მიიჩნევს სალომე ზურაბიშვილის კენჭისყრის ვერსიას.

„თუკი ბიძინა ივანიშვილი მიიღებს არჩევნებში მონაწილეობის გადაწყვეტილებას, ბუნებრივია, რომ არანაირი პრობლემა მას არ შეექმნება, თუმცა მე პირადად გამოვრიცხავ ამ შესაძლებლობას. ბევრად უფრო ლოგიკურად და დასაბუთებულად მიმაჩნია ვერსია სალომე ზურაბიშვილთან დაკავშირებით. ზურაბიშვილს ექნება შესაძლებლობა მოიზიდოს სხვა ელექტორატიც, არა მხოლოდ ის, ვინც „ქართულ ოცნებას“ აძლევს ხმას, მათ შორის სხვა კონკურენტი პარტიების ამომრჩეველიც, იგივე „ნაციონალური მოძრაობის“ ან „ევროპული საქართველოს“, განაცხადა ვაკა გორგილაძემ.