პარლამენტში, ფრაქცია „პატრიოტთა ალიანსის“ და მთავრობის წევრების შეხვედრაზე ირმა ინაშვილმა განაცხადა, რომ „ბოკერიების“ ზეგავლენის ქვეშ იყო გიორგი კვირკაშვილი, სწორედ მათზე ფიქრის გამო, ვერც საგარეო და ვერც საშინაო პოლიტიკა ვერ დაალაგა.

„ბოკერიების ზეგავლენის ქვეშ იყო კვირიკაშვილი - პირდაპირ ვამბობ ამას, მაგრამ არ მიყვარს წასულ ადამიანებზე, თანამდებობიდან წასულ ადამიანებზე საუბარი. ვერც ერთ ნაბიჯს ვერ დგამდნენ ვერც საგარეო პოლიტიკის ნაწილში და ვერც საშინაო პოლიტიკის ნაწილში, იმაზე ფიქრით, თუ „რას იტყვის ბოკერია?“, ბოკერია კი არა, ჩვენს ქვეყანას უნდა მივხედოთ. ეს ერის მოღალატე ბოკერია კი უნდა დავიჭიროთ და მივაბრძანოთ ციხეში, რომელიც თვითონ ააშენეს, წაბრძანდნენ და მოიხადონ სასჯელი მთელი რიგი დანაშაულებების გამო“, განაცხადა „პატრიოტთა ალიანსის“ ლიდერმა ირმა ინაშვილმა.