მხოლოდ თქვენს პიარში დახარჯული 160 მილიონი ლარი რომ დაგეზოგათ, 20-25 ლარით გაუზრდიდით პენსიონერს პენსიას, მიმართა პრემიერ მინისტრსა და მინისტრობის კანდიდატებს „ერთიანი ნაციონალური მოძრაობის" პოლიტიკური საბჭოს თავმჯდომარემ, ნიკა მელიამ ფრაქცია „ნაციონალური მოძრაობის" სხდომაზე.

მელიას თქმით, პარტიას მილიარდერი თავმჯდომარე ჰყავს, რომელიც რასაც დაჰპირდა ხალხს, ყველაფერი იმის საპირისპიროდ გააკეთა.

„მილიარდერი პარტიის თავმჯდომარე გყავთ, რომელიც მოვიდა ხელისუფლებაში თქვენთან ერთად, საუბრობდა კომუნალური გადასახადების შემცირებაზე, საწვავის ფასის განახევრებაზე და რას არ დაპირდა მოსახლეობას და ყველაფერი საპირისპიროდ გააკეთა და მიმდინარე წელს, ლარითაც არ ზრდის პენსიას. როდესაც წელსვე არის შესაძლებებლი და იქნებოდა შესაძლებელი ნორმალური ხელისუფლების და მთავრობის პირობები 720 მლნ ლარის მობილიზება, რომ 80 ლარით გაგეზარდათ პენსია. 160 მლნ ლარს თუ პიარში ხარჯავთ, რომელიც მართლა არაფერში არ გადგებათ - აი, რა გაქვთ საპიარო, რომ პიარში 160 მლნ ლარი დახარჯოთ?" - მიმართა ნიკა მელიამ მამუკა ბახტაძესა და მისი მინისტრთა კაბინეტის წევრობის კანდიდატებს.