ჩვენი მოსახლეობის დიდი ნაწილი თავისი განკარგვადი შემოსავლის 25-30 და ხშირ შემთხვევაში, 40%-ს ხარჯავს სესხების მომსახურებაზე, რა თქმა უნდა, ეს არის მიუღებელი და ეს იწვევს ძალიან მძიმე ეფექტებს ეკონომიკაში, მათ შორის, სიღარიბის დაძლევის თავალსაზრისით, აღნიშნული განცხადება პრემიერ მინისტრმა, მამუკა ბახტაძემ პარლამენტის პლენარულ სხდომაზე გააკეთა.
„საქართველოს 630 000 მოქალაქე დღეს მოკლებულია იმის შესაძლებლობას, რომ აწარმოოს ნორმალური ეკონომიკური ცხოვრება", აღნიშნა პრემიერ მინისტრმა და ჭარბვალიანობის წარმოშობის მიზეზები განმარტა:
„ერთ-ერთი მთავარი გახლავთ ასიმეტრიული რეგულაცია. ფაქტობრივად, საქართველო იყო ერთადერთი ქვეყანა, სადაც ეს ასიმტერიული რეგულაცია არსებობდა, ბანკების რეგულაცია იყო განსხვავებული, არასაბანკო სექტორის - განსხვავებული ან საერთოდ არ არსებობდა. ეს იწვევდა ე.წ. ასიმეტრიულ რეგულაციას, რამაც შექმნა უზარმაზარი პრობლემები. საბაზრო ეკონომიკის სწორად ფუნქციონირების არსი სწორედ იმაშია, რომ თამაშის წესები ყველასთვის უნდა იყოს საერთო. თუ ვინმესთვის არის პრივილეგირებული, ის იწვევს ძალიან მძიმე ეფექტებს. ჩვენს შემთხვევაში ჭარბვალიანობა არის, სამწუხაროდ, მისი საუკეთესო მაგალითი. ჩვენ ამის შესახებ ჩვენი დონორი ორგანიზაციები გვაფრთხილებდნენ, საერთაშორისო ფინანსური ორგანიზაციები გვაფრთხილებდნენ, მათ შორის, წინა მთავრობას განსაკუთრებით".
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.