ეკონომიკისა და მდგრადი განვითარების მინისტრის მოადგილეები გენადი არველაძე და გიორგი ჩიქოვანი იტალიის რესპუბლიკის ეკონომიკის განვითარების მინისტრის მოადგილეს მიკელე ჯერაჩის შეხვდნენ.
შეხვედრაზე განხილული იყო საქართველოსა და იტალიის რესპუბლიკის სავაჭრო-ეკონომიკური ურთიერთობები და სამომავლო თანამშრომლობის ძირითადი მიმართულებები.
ქართულმა მხარემ დადებითად შეაფასა იტალიის პრეზიდენტის ვიზიტი საქართველოში და აღნიშნა, რომ ის დიდ სტიმულს მისცემს ორი ქვეყნის ურთიერთობების განვითარებას. მათ შორის, ეკონომიკური თანამშრომლობის გაღრმავებისა და ბიზნესებს შორის ახალი ორმხრივად მომგებიანი კავშირების დამყარების მიმართულებით. ასევე ყურადღება გამახვილდა თანამშრომლობის გაღრმავებაზე ენერგეტიკის სექტორში, მათ შორის, ჰიდროენერგეტიკაში, განახლებად ენერგიის წყაროების ათვისებასა და სხვ.
ქართულმა მხარემ დეტალურად მიაწოდა ინფორმაცია საქართველოს ეკონომიკის ტენდენციების, მიმდინარე რეფორმებისა და ბიზნესის სტიმულირების სახელმწიფო ინიციატივების შესახებ. განსაკუთრებული აქცენტი გაკეთა პროგრამაზე „აწარმოე საქართველოში“. აღინიშნა, რომ სააგენტო უკვე მეორე წელია ქ. მილანში, ტყავისა და ტყავის პროდუქტების საერთაშორისო გამოფენა LineaPelle-ზე ქართული კომპანიების მონაწილეობას ორგანიზებას უწევს და თანადაფინანსებას ახორციელებს. გარდა ამისა, „აწარმოე საქართველოში“ - ის თანადაფინანსებითა და ორგანიზებით, 2019 წელს, ასევე, იგეგმება ქართული არქიტექტორული და ინტერიერის დიზაინის კომპანიების მონაწილეობა იტალიაში, ქ. მილანში ერთ-ერთ ყველაზე მასშტაბურ და პრესტიჟულ გამოფენაზე Salone del Mobile Milano. ასევე ყურადღება გამახვილდა საინვესტიციო შესაძლებლობებზე სხვადასხვა საინვესტიციო სექტორებში, მათ შორის, უძრავი ქონებისა და ტურიზმის, IT და ბიზნეს პროცესების აუთსორსინგის (BPO), ასევე, წარმოების მიმართულებით.
შეხვედრაზე მხარეები შეთანხმდნენ, რომ თანამშრომლობის პოტენციალი საქართველოსა და იტალიის რესპუბლიკის შორის ძალიან დიდია და მას გაღრმავება და განვითარება სჭირდება.
შეხვედრას ასევე დაესწრო ეკონომიკისა და მდგრადი განვითარების სამინისტროს სსიპ სააგენტოს „აწარმოე საქართველოში“ დირექტორის მოადგილე თორნიკე სულაბერიძე.
ინფორმაციას ეკონომიკის სამინისტროს პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.