ადგილობრივი თვითმმართველობის განხორციელებაში მოქალაქეთა მონაწილეობის ხელშეწყობისა და მერის საქმიანობის ეფექტურობის გაზრდის უზრუნველსაყოფად, საქართველოს ორგანული კანონის „ადგილობრივი თვითმმართველობის კოდექსის“ 54-ე მუხლის პირველი ნაწილის „ე“ ქვეპუნქტის, „ე.ე“ და „ე.ვ“ ქვეპუნქტების, 61-ე მუხლის მე-3 ნაწილის „ა“ პუნქტის და 86I მუხლის პირველი ნაწილის შესაბამისად, მერის ბრძანებით შეიქმნა თერჯოლის მუნიციპალიტეტის მერის სათათბირო ორგანო- სამოქალაქო მრჩეველთა საბჭო.

საბჭო დამტკიცდა 13 წევრის - მუნიციპალიტეტის ტერიტორიაზე რეგისტრირებული მეწარმე იურიდიული პირების, არასამთავრობო ორგანიზაციებისა და მოსახლეობის წარმომადგენლების შემადგენლობით, თავმჯდომარედ მუნიციპალიტეტის მერი ბონდო სოფრომაძე, მდივნად მერის თანაშემწე გიორგი ამირანაშვილი განისაზღვრა. 

საბჭო არის თერჯოლის მუნიციპალიტეტის მერის სათათბირო ორგანო, რომელიც შექმნა ადგილობრივი თვითმმართველობის განხორციელებაში მოქალაქეთა მონაწილეობის ხელშეწყობისა და თერჯოლის მუნიციპალიტეტის მერიის საქმიანობის ეფექტურობის გაზრდის მიზნით. საბჭოს მიზანი ადგილობრივი თვითმმართველობის განხორციელებაში მოქალაქეთა მონაწილეობის უზრუნველყოფა და თერჯოლის მუნიციპალიტეტის მერიის საქმიანობაში საზოგადოებრივი ჩართულობის გაზრდა, მოსახლეობასა და მერს შორის მჭიდრო ურთიერთ კავშირისა და მერიის საქმიანობის ეფექტურობისა და გამჭვირვალობის, მოქალაქეთა ინტერესების წარმოდგენისა და დაცვის უზრუნველყოფაა.

ინფორმაციას თერჯოლის მუნიციპალიტეტის მერიის პრესსამსახური ავრცელებს.