„ქართული ოცნების“ წევრმა, ირაკლი ბერაიამ დავით ჭიჭინაძის პარტიიდან გარცხვასთან დაკავშირებით ისაუბრა. მისი თქმით, პარტიის წევრებს აქვთ შესაძლებლობა გამოხატონ კრიტიკული აზრი, მაგრამ ეს მოსაზრება პიროვნულ შეურაცხყოფაში არ უნდა გადიზარდოს, ბერაიას თქმით, ლოგიკური გადაწყვტილება მიიღეს, როდესაც ჭიჭინაძე პარტიიდან გარიცხეს.

„ჩვენი პარტიის შიგნით, თითოეული წევრისთვის უზრუნველყოფილია კრიტიკული აზრის გამოხატვის შესაძლებლობა, მაგრამ მიუღებელია როდესაც ამის გადაზრდა ხდება პიროვნულ შეურაცხყოფაში. უმრავლესობის წევრობა უდიდესი პასუხისმგებლობაა პირველ ყოვლისა საზოგადოების წინაშე და ასევე გუნდის წინაშეც. და როდესაც გუნდის წევრი ამ პასუხისმგებლობას ვერ აცნობიერებს მისი ადგილი გუნდში რთული დასანახია. სამწუხაროა, რომ ბატონმა დავით ჭიჭინაძემ დესტრუქციული ქმედებების გზა აირჩია და შესაბამისად, „ქართული ოცნების“ ხელმძღვანელობის გადაწყვეტილება მასთან დაკავშირებით იყო სრულიად ლიგიკურია“, განაცხადა ირაკლი ბერაიამ.