„ქართული ოცნების“ წევრმა, ზაზა გაბუნიამ დავით ჭიჭინაძის პარტიიდან გარცხვასთან დაკავშირებით განაცხადა, რომ მას მოსწონს ირაკლი კობახიძის მოთმინება, რადგან ურთულესია დამცირების და შეურაცხყოფის პირობებში, ჯანმრთელი სამუშაო გარემო შეინარჩუნო.

„სიმართლე გითხრათ არ მახსოვს განსხვავებული აზრის ავტორი კოლეგა მოქმედებაში ან აზრის გამოთქმისას ვინმეს რამეში შეეზღუდა, გუნდში არ არსებობს დეფიციტი განსხვავებული აზრების მრავალფეროვნებისა, მაგრამ ურთულესია დამცირების და შეურაცხყოფის პირობებში ჯანმრთელ სამუშაო გარემოზე ლაპარაკი. მე პირიქით, მოთმინებას ვუწონებ პარლამენტის თავმჯდომარეს, რადგან მისი მისამართით შეურაცხმყოფელი განცხადებების მიუხედავად, ის ცდილობდა მოვლენები რადიკალურად არ განვითარებულიყო“, განაცხადა ზაზა გაბუნიამ.