„ლეიბორისტული პარტიის“ ლიდერის, შალვა ნათელაშვილის თქმით, ივანიშვილს უკვე გადაწყვეტილი აქვს თუ ვინ იქნება პრეზიდენტობის კანდიდატი „ქართული ოცნებიდან“. ნათელაშვილი ასევე აღნიშნავს, რომ კანდიდატად შეიძლება თავად ივანიშვილიც მოგვევლინოს.

„ბიძინა ივანიშვილისთვის გადარჩენის ერთადერთი გზა, დღევანდელ ეტაპზე,  გახლავთ საპრეზიდენტო არჩევნებში მონაწილეობა და გაყალბებული არჩევნების გზით სახელმწიფო მეთაურის პოსტის უზურპაცია. ამისათვის ის გზადაგზა ბარტყებს გადმოუგდებს განსახილველად საზოგადოებას  - ზურაბიშვილები, ვიღაც კვირიკაშვილები და კიდევ ვიღაც-ვიღაცები, წულუკიანები, ალანძღინებს მათ და თვითონ ისევ გათვლილი აქვს მორიგი რებუსი და სატყუარა, რომელმაც არაერთხელ გაუმართლა ამ ქვეყანაში და საბოლოო ჯამში ის გამოგვეცხადება, თუ ახლავე ჩვენს საზოგადოების განწყობას არ დავანახებთ და არ ვეტყვით, რომ მისი ადგილი არა კანდიდატად, არა პრეზიდენტად,  არა პარტიის ლიდერად, არამედ ციხეშია“, განაცხადა შალვა ნათელაშვილმა.