ათენში მყოფ საქართველოს მოქალაქეებს საგარეო საქმეთა სამინისტრო მიმართავს, რომ დატოვონ სტიქიის ზონა  და გაითვალისწინონ ადგილობრივი ხელისუფლების რეკომენდაციები. დამატებით ინფორმაციისთვის კი დაუკავშირდნენ  ცხელ ხაზებს საბერძნეთში: 00306995779793, საქართველოში: (+995 32) 294 50 50.

„საქართველოს მოქალაქეების საყურადღებოდ, საბერძნეთში ათენის გარეუბანში გაჩენილი ხანძართან დაკავშირებით, საქართველოს საელჩოში მოქმედებს ცხელი ხაზი: 00306995779793

საქართველოს საგარეო საქმეთა სამინისტრო საბერძნეთში მყოფ საქართველოს მოქალაქეებს მოუწოდებს გაითვალისწინონ ადგილობრივი ხელისუფლების რეკომენდაციები, დატოვონ სტიქიის ზონა და თავი შეიკავონ აღნიშნული მიმართულებით გადაადგილებისგან.

აღსანიშნავია, რომ ამ ეტაპზე საბერძნეთის ხელისუფლებამ უსაფრთხოების მიზნით ადგილობრივი მოსახლეობის ევაკუაცია განახორციელა. ამასთან, საბერძნეთის მთავრობამ სანაპირო ზოლში მცხოვრები მოსახლეობისთვის ტერიტორიის დატოვების რეკომენდაცია გასცა. სტიქიის ზონაში შეწყვეტილია საავტომობილო მიმოსვლა.

დამატებითი ინფორმაციის მისაღებად დაუკავშირდით საქართველოს საელჩოს ცხელ ხაზს. ცხელი ხაზი ფუნქციონირებს ასევე საქართველოს საგარეო საქმეთა სამინისტროში (+995 32) 294 50 50“, ნათქვამია საგარეო საქმეთა სამინისტროს მიერ გავრცელებულ განცხადებაში.

საბერძნეთში, ათენის მიმდებარე ტერიტორიაზე არსებულ ტყეში გაჩენილ ხანძარს 20 ადამიანი ემსხვერპლა. ცეცხლს ასობით მეხანძრე ებრძვის. ქვეყანა საერთაშორისო დახმარებას ითხოვს.