ხალხის პრობლემების გასაცნობად და მოსაგვარებლად მუნიციპალიტეტის მერი ბონდო სოფრომაძე და საკრებულოს თავმჯდომარე ნინო ჯანელიძე ამჯერად სიქთარვის ადმინისტრაციული ერთეულის მოსახლეობას შეხვდნენ.

შეხვედრაში ასევე მონაწილეობდნენ მერის მოადგილე მერაბ სირაძე, მერიის ჯანდაცვისა და სოციალურ საკითხთა სამსახურის უფროსი დიანა ფოცხვერაშვილი, მერის თანაშემწე გიორგი ამირანაშვილი, საკრებულოს თავმჯდომარის მოადგილე ნოდარ ფანჩულიძე, თერჯოლა-ტყიბულის გაერთიანებული ოლქის მაჟორიტარი დეპუტატის ბიუროს თანამშრომლები, სოფლის მაჟორიტარი დეპუტატი კონსტანტინე ამაშუკელი, მერის წარმომადგენელი სიქთარვის ადმინისტრაციულ ერთეულში თამაზ ბარბაქაძე ასისტენტებთან ერთად და ინფრასტრუქტურის სამსახურის სპეციალისტი გოდერძი თურქაძე.

მოსახლეობამ მუნიციპალიტეტის ხელმძღვანელი პირებისაგან როგორც პირადი, ასევე უბნისა და სოფლის პრობლემების მოგვარება მოითხოვა. პრიორიტეტულ პრობლემებად შიდა სასოფლო გზებისა და სასმელი წყლის სისტემის მოწესრიგება დასახელდა.

ყველა დასმული საკითხი შესაბამისი სამსახურების მიერ იქნა ჩანიშნული რეაგირებისათვის. თერჯოლის მუნიციპალიტეტის მერი ბონდო სოფრომაძე ხალხის პრობლემების გასაცნობად და მოსაგვარებლად მერიის სამსახურის უფროსებთან ერთად ეტაპობრივად ყველა სოფელში შევა და შეხვდება მოსახლეობას, რათა ადგილზე იქნას განხილული ყველა პრობლემა, რაც აწუხებს სოფლის მაცხოვრებლებს და იქვე, ხალხთან ერთად დაისახოს პრობლემის მოგვარების გზები.

ინფორმაციას თერჯოლის მუნიციპალიტეტის მერიის პრესსამსახური ავცელებს.