„ქართული ოცნების“ დეპუტატი რატი იონათამიშვილი აცხადებს, რომ ბიძინა ივანიშვილის გუშინდელმა ინტერვიუმ, კიდევ ერთხელ დაამტკიცა, რომ „ქართული ოცნება“ არის პოლიტიკური ძალა, რომელსაც გააჩნია სახელმწიფოებრივი ხედვა, აზროვნება და დიდი პასუხისმგებლობის გრძნობა, ხოლო მარტივ მამრავლებად დაშლილი ოპოზიცია არის შურისძიებაზე და პირად ინტერესებზე დაფუძნებული ისტერია.

„ჩემთვის არ იყო გასაკვირი, რომ ბიძინა ივანიშვილის ინტერვიუს შემდეგ ოპოზიციამ სრული უპასუხისმგებლობა და სიძულვილი აჩვენა. ქართულმა საზოგადოებამ. სწორედ ამ თვისებების გამო. ჩამოაშორა ეს ხალხი ხელისუფლებას და კუთვნილი ადგილი მიუჩინა.

გუშინ, ჩვენ, კიდევ ერთხელ, მოგვეცა საშუალება, დავინახოთ თუ რამდენად დიდი განსხვავებაა ქართულ ოცნებას და მარტივ მამრავლებად (და არა პოლიტიკურ პარტიებად) დაშლილ ოპოზიციას შორის. რომ ერთ მხარეს არის სახელმწიფოებრივი ხედვა, აზროვნება, მაღალი პასუხისმგებლობის განცდა საკუთარი ქვეყნისა და საზოგადოების მიმართ და მეორე მხარეს, პირად სიძულვილზე, შურისძიებაზე და ფანტასმაგორიებზე დაფუძნებული ისტერია.

ჩვენი უმთავრესი მიზანი და ვალდებულება არის ჩვენი ქვეყნის პროგრესი, განსაკუთრებით სოციალური, ეკონომიკური, სამოქალაქო ინკლუზიისა და უსაფრთხოების მიმართულებებით. ამას იმსახურებს ქართული საზოგადოება და ამ პროცესს წინ ვერაფერი აღუდგება“, წერს რატი იონათამიშვილი ფეისბუქის გვერდზე.