„ბიძინა ივანიშვილი კარგად ხვდება, რომ „ქართულმა ოცნებამ“ მისი პოლიტიკური რესურსი ამოწურა და სწორედ ამას ემსახურება იდეა, რომ მოიყვანონ თითქოსდა გარეშე და დამოუკიდებელი ადამიანი“, აცხადებს „ევროპული საქართველოს" პრეზიდენტობის კანდიდატი დავით ბაქრაძე.

„რანაირად იქნება კანდიდატი დამოუკიდებელი, თუ მის ზურგს უკან დგას „ქართული ოცნება“. რა მნიშვნელობა აქვს ფურცელზე პარტიის წევრობას თუ სინამდვილეში ზურგს გიმაგრებს პარტია და კამპანიას ატარებ ამ პარტიის მხარდაჭერით. არანაირ დამოუკიდებელ კანდიდატზე საუბარი აქ არ არის. საუბარია იმაზე, რომ დღეს „ქართულ ოცნებას“ მისი სახელით, მისი ნომრით ძალიან გაუჭირდება არჩევნების მოგება და ამიტომ მოიფიქრეს ეს მიდგომა, რომ თითქოს საზოგადოებას სთავაზობენ ვიღაც დამოუკიდებელს“, განაცხადა დავით ბაქრაძემ.