ევროკომისია თბილისში მომხდარი წყალდიდობის შედეგებთან ბრძოლის მიზნით, საქართველოს დამატებით თანხას გამოუყოფს. ამის შესახებ განცხადებას ევროკომისიის ოფიციალური ვებგვერდი ავრცელებს.
"სამ მილიონამდე ევრო გამოიყოფა სტიქიის შედეგად დაზარალებულთათვის გრძელვადიანი საცხოვრებლის პრობლემის მოგვარების მიზნით" - აღნიშნულია განცხადებაში.
"ჩემი ფიქრები ამ დამანგრეველი წყალდიდობის შედეგად დაზარალებულებთანაა. ევროკავშირი დგას ქართველი ხალხის გვერდით და მზად არის დაეხმაროს თბილისში ოჯახებს თავიანთი სახლების ხელახლა აგებასა და ახალი ცხოვრების დაწყებაში. ეს წვლილი არის ჩვენი სოლიდარობის გამოხატულება იმათ მიმართ, რომლებიც სტიქიის შედეგად დაზარალდნენ" ,- განაცხადა ევროკომისარმა სამეზობლო და გაფართოების საკითხებში, იოჰანეს ჰანმა.
ამას გარდა, ევროკომისია უზრუნველყოფს 400 000 ევროს ჰუმანიტარულ დახმარებას ყველაზე დაზარალებული ოჯახებისთვის.
"აღნიშნული თანხა დაეხმარება საქართველოს "წითელ ჯვარს" და იმ არასამთავრობო ორგანიზაციებს, რომლებიც დაზარალებულებს დახმარებას აწვდიან, მათ შორის საკვებს, საყოფაცხოვრებო ნივთებს, როგორიცაა თეთრეული და სამზარეულო აღჭურვილობა, ასევე წყალს, ჰიგიენის საშუალებებს და სამედიცინო დახმარებას" , - წერია განცხადებაში.
ევროკომისრის კრიზისული სიტუაციების მართვის საკითხებში, ხრისტოს სტილიანიდესის თქმით, ჰუმანიტარული დახმარება იმ არაერთ ოჯახს მოხმარდება, რომლებიც სასწრაფო დახმარებას საჭიროებენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.