იუსტიციის მინისტრის, თეა წულუკიანის განცხადებით, იგი „აღფრთოვანებულია“ ბიძინა ივანიშვილის იდეით, „ქართულმა ოცნებამ“ არ წარადგინოს თავისი კანდიდატურა 2018 წლის საპრეზიდენტო არჩევნებში.

„ეს იდეა, რომლის შესახებაც მე უკვე მრავალი თვეა მესმის, ივანიშვილის მხრიდან გუნდთან კომუნიკაციაში, რომელიც მან თამარ ჩუგოშვილის თანდასწრებით ელჩებსაც გაუზიარა და გამოიწვია ელჩების დიდი ინტერესი და ასევე აღფრთოვანება, სწორედ ასეთი აღფრთოვანებული ვარ მეც ამ იდეით. იმიტომ რომ, ეს მოგვცემდა ძალიან საინტერესო პროცესს, უფრო დაცლილს ემოციებისგან იმიტომ, რომ სააკაშვილის არსებობის ერთ-ერთი, ერთადერთი რეზონი ალბათ რაც დღეს არის და მისი დაშლილი და დაქსაქსული გუნდისა, არის ის, რომ „ქართულ ოცნებას“ შეეჯიბროს, ვერ ეჯიბრება, მერე ბრაზდება და არის ცუდ ხასიათზე. ახლა, თუ ეს, ივანიშვილის იდეა გაიზიარა გუნდმა, მივიღებთ საინტერესო სიტუაციას, სადაც სააკაშვილის გუნდი შეეჯიბრება სააკაშვილის ყოფილ გუნდს თუ ამჟამინდელ გუნდს და ოპოზიცია შეეჯიბროს მერე ერთმანეთს - ნეიტრალური კანდიდატები, მემგონი ძალიან საინტერესო იქნება“, განაცხადა თეა წულუკიანმა ჟურნალისტებთან საუბრისას.