„ნაციონალური მოძრაობის“ და კიდევ 9 ოპოზიციური პარტიის გაერთიანება „ძალა ერთობაშიას“ პრეზიდენტობის კანდიდატმა, გრიგოლ ვაშაძემ  სამეგრელოში საარჩევნო კამპანიისას განაცხადა, რომ საქართველოს მოქალაქეს დღეს შია, გამსჭვალულია პროტესტის გრძნობით და ყელში აქვს ამოსული მოქმედი ხელისუფლება.

„დეპუტატების  99%-ს ყოველგვარი პოლიტიკური ლეგიტიმაცია და მორალური უფლება იყოს საკანონმდებლო ორგანოში და მითუმეტეს იყოს დაკავებული მთავრობის შედგენა-დამტკიცებით, ეს ყველაფერი დაკარგული აქვს. მოკლედ რომ შევაჯამოთ ქართველი ადამიანის, საქართველოს მოქალაქის დღევანდელი მდგომარეობა, ამის გამოხატვა შეიძლება სულ სამი სიტყვით: საქართველოს მოქალაქეს შია, საქართველოს მოქალაქე არის გამსჭვალული პროტესტის გრძნობით და საქართველოს მოქალაქეს ყელში ამოუვიდა დღევანდელი ხელისუფლება“, განაცხადა გრიგოლ ვაშაძემ.