საქართველოს სახელმწიფო ენის შემსწავლელი ჯგუფის გახსნის მიზნით, საქართველოს სამოციქულო ეკლესიის, ქალაქ ნინოწმინდის „რაფაელ ჯავახ“ საგანმანათლებლო კულტურულ-ახალგაზრდული ცენტრის ხელმძღვანელის - ჟორა სნხჩიანის ინიციატივით გაიმართა შეხვედრა შერიგებისა და სამოქალაქო თანასწორობის საკითხებში საქართველოს სახელმწიფო მინისტრ ქეთევან ციხელაშვილისა და პარლამენტის წევრ ნინოწმინდა-ახალქალაქის მაჟორიტარ დეპუტატ ენზელ მკოიანთან.
შეხვედრაზე იმყოფებოდა ნინოწმინდის მუნიციპალიტეტის მერი ანი მოსოიანი, საკრებულოს თავმჯდომარე სუმბატ კიურეღიანი, თანამდებობის სხვა პირები, სამინისტროს წარმომადგენლები, ნინოწმინდის - ზურაბ ჟვანიას სახელობის სასწავლო ცენტრის ხელმძღვანელი ელმირა ქსპოიანი და ქალაქ ნინოწმინდის წმინდა სარგისის ეკლესიის სასულიერო პირი - არმაშ პოღოსიანი.
შეხვედრა მიზნად ისახავდა, კიდევ ერთი ქართული ენის შემსწავლელი ჯგუფის გახსნას, რომელიც სექტემბრიდან ამოქმედდება და რომელიც მისაწვდომი იქნება ყველა მსურველისთვის.
აღსანიშნავია ისიც, რომ შეხვედრის ბოლოს ჰაიოს-ქართლოსის პარკში ქალბატონმა ქეთევან ციხელაშვილმა და ბატონმა ენზელ მკოიანმა, სხვა თანამდებობის პირებთან ერთად, პატივი მიაგეს ამავე სახელობის ძეგლს და შეხვედრა ყვავილების მიძღვნით დააგვირგვინეს.
ინფორმაციას ნინოწმინდის მუნიციპალიტეტის მერიის პრესამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.