„ევროპული საქართველოს“ საპრეზიდენტო კანდიდატი დავით ბაქრაძე აცხადებს, რომ „ქართულ ოცნებას“ საზოგადოების შეცდომაში შეყვანა სურს, რადგან ე.წ. დამოუკიდებელი კანდიდატი ფურცელზე იქნება თუ არა „ქართული ოცნების“ წევრი, ამას არანაირი მნიშვნელობა არ აქვს.

„ივანიშვილს კარგად ესმის, რომ „ქართული ოცნების“ რესურსი საკუთარი სახელით და საკუთარი ნომრით მოიგოს არჩევნები ძალიან შეიზღუდა და ამიტომ ცდილობენ ე.წ. დამოუკიდებელი კანდიდატის თემის შემოგდებას, თუმცა რანაირად იქნება კანდიდატი დამოუკიდებელი თუ მის უკან იდგება „ქართული ოცნება“, რა მნიშვნელობა აქვს ქაღალდზე პარტიის წევრი იქნება თუ არა ეს ადამიანი, ამიტომ დამოუკიდებელი კანდიდატის იდეა ეს გახლავთ საზოგადოების შეცდომაში შეყვანის და „ოცნების“ უკანა პლანზე გადატანის მცდელობა და ამითი ცდა რომ მოიგონ არჩევნები, ამიტომ ჩვენი ამოცანაა და საზოგადოების ამოცანაა არ ავყვეთ ასეთი ტიპის ხრიკებს მოვიდეს ოპოზიციურად განწყობილი ამომრჩეველი არჩევნების დღეს და აუცილებლად პოლიტიკურად დავასრულოთ „ქართული ოცნება“, განაცხადა დავით ბაქრაძემ.