ადიგენის მაჟორიტარი დეპუტატი „ევროპული საქართველოს“ წევრი ზურაბ შაინიძე აცხადებს, რომ მისი არჩევნებში გამარჯვების დღიდან მოსახლეობას და შაინიძეს შორის ურთიერთობა დაიძაბა, რადგან მაჟორიტარი „ევროპული საქართველოს“ წევრი არის. ადიგენის მაჟორიტარი დეპუტატის თქმით, სწორედ ეს გახლავთ მიზეზი რის გამოც მას და მის ოჯახის წევრებს ფიზიკურად გაუსწორდნენ.

„ეგრევე დამიშვეს კეტები თავში, შენი დედა და გინება, ნუ რა ვიცი რამდენი მირტყამდა ვეღარ დავითვალე, ამ დროს დანარჩენები უკვე მინდიას მისცვივდნენ, ჩემს ძმას ჩაარტყეს დააგდეს ძირს მთელი ეს ახალგაზრდობა ვინც გვყავდა, ბავშვები იყვნენ, მოჭიდავეები მინდიას მოსწავლეები, კინაღამ ისინი დაგვიხოცეს. არ არის ეს პირველი შემთხვევა, სადღაც 2017 წლის არჩევნების შემდეგ როცა გავიმარჯვე, როგორც „ევროპული საქართველოს“ წევრმა გავიმარჯვე, იქიდან დაწყებული დაიძაბა სიტუაცია არანაირ გასაქანს აღარ მაძლევენ“, ზურაბ შაინიძე ადიგენის მაჟორიტარი დეპუტატი.

ზურაბ შაინიძის თქმით, ადამიანები რომლებიც მას ფიზიკურად გაუსწორდნენ „ქართული ოცნების“ მხარდამჭერები იყვენენ. ინციდენტს გამოეხმაურნენ „ქართული ოცნებაში“ პრესსამსახურის განცხადებით ადიგენში ინციდენტი წარმოიშვა ყოფით ნიადაგზე და ყოველგვარი პოლიტიკური მოტივი გამორიცხულია.