პარლამენტის თავმჯდომარის პირველმა მოადგილე თამარ ჩუგოშვილმა საპრეზიდენტო არჩევნების თარიღის დანიშვნასთან დაკავშირებით კომენტარი გააკეთა და აღნიშნა, რომ ამ საქმის გაჭიანურება იმას ემსახურება, რომ გიორგი მარგველაშვილმა თავისი საპრეზიდენტო დღეები ბოლომდე ამოწუროს.

„ამ ვადის დასახელება ნიშნავს იმას, რომ კანონით არსებული გარკვეული რეგულაციები ჩაირთვება და, შესაბამისად, საარჩევნო გარემოსთვის შესაბამისი გარემო შეიქმნება. მე ვფიქრობ, აჭიანურებს იმიტომ, რომ ის აპირებს თავისი ვადის ბოლო დღემდე მიყვანას და გამოყენებას. ვფიქრობ, რომ ის დანიშნავს არჩევნებს, ალბათ, ოქტომბრის ბოლო რიცხვებში და ეს ემსახურება იმას, რომ მან თავისი საპრეზიდენტო დღეები ამოწუროს ბოლომდე“, განაცხადა თამარ ჩუგოშვილმა „რუსთავი 2“-ის ეთერში საუბრისას.