„ქართული ოცნების“ დეპუტატი დავით მათიკაშვილი საქართველოს პრეზიდენტს, გიორგი მარგველაშვილს მოუწოდებს დროულად დაასახელოს საპრეზიდენტო არჩევნების თარიღი, რათა „ჩვენმა მეგობრებმა ევროპიდან და ამერიკიდან დროულად გაიგონ როდის იქნება საქართველოში საპრეზიდენტო არჩევნები“.

„ვართ დამოკიდებული იმაზე, თუ როდის დაასახელებს პრეზიდენტი თარიღს. საპარლამენტო არჩევნებზე 6 თვით ადრე დაასახელა პრეზიდენტმა თარიღი და რა გავლენა მოახდინა ამან საარჩევნო პროცესზე კარგად გვახსოვს, - ძალიან გააძვირა წინასაარჩევნო გარემო. არგუმენტაცია კი პრეზიდენტის მხრიდან იყო ის, რომ პარტიებს დიდი დრო უნდა ჰქოდეთ რათა კარგად მოემზადონ არჩევნებისთვისო.

როდესაც საკითხი საპრეზიდენტო არჩევნებს ეხება, რატომღაც ამ მხრივ არ ხდება დროული გადაწყვეტილების მიღება. მე მოვუწოდებ პრეზიდენტს დროულად მიიღოს გადაწყვეტილება რათა ქვეყანამ, კონკრეტულმა პარტიებმა, ჩვენმა მეგობრებმა ევროპიდან და ამერიკიდან დროულად გაიგონ როდის იქნება საქართველოში საპრეზიდენტო არჩევნები“, განაცხადა დავით მათიკაშვილმა ტელეკომპანია „იმედის“ ეთერში.