„დემოკრატიული მოძრაობა - ერთიანი საქართველოს“ თავმჯდომარე ნინო ბურჯანაძე „ქართული ოცნების“ მიერ დამოუკიდებელი საპრეზიდენტო კანდიდატისთვის მხარდაჭერის შესაძლებლობას „ფარსად“ და ბოკერიას პარტიასთან „ძალიან დიდ გარიგებად“ აფასებს და აცხადებს, რომ ვინც ამ ფარსში მონაწილეობას დათანხმდება, „უთავმოყვარეო ადამიანი“ იქნება.

„ვითარება არის საკმაოდ რთული „ქართული ოცნებისთვის“ და რასაც აკეთებენ ვითომდა დამოუკიდებელი კანდიდატის მხარდაჭერის თვალსაზრისით, ეს არის ფარსი; ეს არის მოქალაქეების კიდევ ერთი მოტყუება; ეს არის კიდევ ერთი ძალიან დიდი გარიგება ბოკერიას პარტიასთან, რომ კარგად გაათამაშონ ეს სცენარი და ეს არის ძალიან მძიმე შედეგების მომტანი საქართველოს მომავლისათვის. რაც შეეხება ნებისმიერ ადამიანს, რომელიც ამ ფარსში მონაწილეობას დათანხმდება, მე მას ჩავთვლი უთავმოყვარეო ადამიანად და ადამიანად, რომელიც არც ადამიანურ და მითუმეტეს არც პოლიტიკირ პატივისცემას არ იმსახურებს იმიტომ, რომ ეს არის თავიდანვე ღია ტყუილი“, განაცხადა ნინო ბურჯანაძემ.