ხორავას ქუჩაზე მომხდარი მკვლელობის საქმეზე შექმნილი პარლამენტის დროებითი საგამოძიებო კომისია, დღეს გლდანის მე-8  სასაჯელაღსრულების დაწესებულებაში მსჯავრდებულებს გ.ბ. და გ.ჯ.-ს დაკითხავენ. კომისიის თავმჯდომარე სერგი კაპანაძე აცხადებს, რომ კომისიის საბოლოო დასკვნის მისაღებად მსჯავრდებულების დაკითხვა მნიშვნელოვანია, რადგან მათ კონკრეტული დანაშაული ჩაიდინეს.

„მსაჯავრდებულებთან შეხვედრა მნიშვენელოვანია, იმიტომ რომ ისინი უშუალოდ მონაწილეობდნენ ამ ჩხუბში და უშუალოდ იყვნენ ყველაფრის შემსწრე, მათ შორის, მათ ჩაიდინეს კონკრეტული დანაშაული მნიშვნელოვანია იმ ინფორმაციის მიღება, რომლის ნაწილიც მათ სასამართლოზე მოყვნენ, მაგრამ შეიძლება იყოს ინფორმაცია რომელიც მათ ჯერ ბოლომდე არ გაუცვნიათ სასამართლოსთვის და სხვდასხვა უწყებებისთვის საბოლოო ჯამში ეს მნიშვნელოვანია რადგან როგორც ვიცით ასევე სხვა მოწმეებისგანაც მივიღეთ ასევე ძალიან მნიშვნელოვანი ინფორმაცია, რომელიც შინაგან საქმეთა სამინისტროს გადავუგზავნეთ და მსაჯავრდებულებისგან მოწოდებული და ზოგადად სხვა მოწმეებისგან ამოღებული ინფორმაცია ჯამში შექმნის სურათს, რომელიც მერე დაედება საფუძვლად კომისიის საბოლოო დასკვნას“, განაცხადა სერგი კაპანაძემ.