საქართველოს ყოფილი პრეზიდენტი მიხეილ სააკაშვილი „რუსთავი 2“-ის გადაცემა „პოსტ-სკრიპტუმთან“ საუბრისას აცხადებს, რომ კახა კალაძემ და ბიძინა ივანიშვილმა „თი-ბი-სი ბანკს“ თბილისის ცენტრში აქტივების უფასოდ მიღების და ლაზიკის პორტის გადაცემის სანაცვლოდ წამგებიანი ბანკი ორმაგ ფასად მიჰყიდეს.

„კახი კალაძეს და ივანიშვილს ჰქონდა წამგებიანი ბანკი, ვერაფერი ვერ მოუხერხეს ამ წამგებიან ბანკს, არავინ არ ყიდულობდა და მერე „თი-ბი-სი“-მ იყიდა ორმაგ ფასად, რის ხარჯზე ოღონდ, „თი-ბი-სი“-მ მიიღო უფასოდ აქტივები თბილისის ცენტრში და მიიღო ანაკლიაში ლაზიკის პორტი, ჩაიგდო ხელში პრაქტიკულად უფასოდ. ერთი სიტყვით, ივანიშვილმა მიიღო შემოსავალი იმის ხარჯზე, რომ „თი-ბი-სი“-ც გაძლიერდა. ასე, რომ რაც შეეხება „თი-ბი-სი“-ს და „საქართველოს ბანკს“, იქ არის სუფთა, ხელი ხელს ჰბანს სიტუაცია, მაგრამ მთავარი მევახშე, მთავარი სისხლისმსმელი ხალხის არის, რა თქმა უნდა, “ქართუ ბანკი“, განაცხადა სააკაშვილმა.