საპარლამენტო უმრავლესობის წევრმა, გია ვოლსკიმ სალომე ზურაბიშვილის საპრეზიდენტო არჩევნებში შესაძლო მონაწილეობის მიღებაზე ისაუბრა და აღნიშნა, რომ ზურაბიშვილის მიერ საფრანგეთის მოქალაქეობაზე უარის თქმა არჩევნებში მონაწილეობის სურვილზე მეტყველებს. მანვე დაამატა, რომ „ქართულ ოცნებას“ ჯერ კიდევ არ აქვს გადაწყვეტილი, საკუთარ კანდიდატს წარადგენს, თუ დამოუკიდებელ კანდიდატს დაუჭერს მხარს.

„როდესაც უარს ამბობ საფრანგეთის მოქალაქეობაზე, რა საკვირველია, ეს მიანიშნებს, რომ მას შეიძლება მიზნად ქონდეს, პრეზიდენტობისთვის იყაროს კენჭი. „ქართულ ოცნებას“ არ გადაუწყვიტავს, რომელი ვარიანტია უკეთესი. ორივე ვარიანტს, „ქართული ოცნების“ კანდიდატის წარდგენასა და დამოუკიდებელი კანდიდატის მხარდაჭერას, აქვს გარკვეული საფუძველი და ლოგიკა, რომელიც საზოგადოებისთვის კარგად იქნება გასაგები“, განაცხადა გია ვოლსკიმ.