ქალაქ გარდაბანში, მიმდინარე წელს, ხუთი საბავშვო ბაღი აღდგება. სამშენებლო სამუშაოები უკვე დაწყებულია.

„პროექტს ტენდერში გამარჯვებული კომპანია შპს „BUILD TERRITORY“ ასრულებს, მისი ჯამური ღირებულება კი, 764 010 ლარს შეადგენს. პროექტის მიხედვით მოეწყობა №1 ბაგა-ბაღის შენობის გარე-ფასადი, შემოიღობება ტერიტორია და დაიდგმება საბავშვო ატრაქციონები. რაც შეეხება №2; №3; №4 და №5 ბაგა-ბაღებს, შენობების სრული აღდგენა მოხდება. ტენდერში გამარჯვებულ კომპანიას სამშენებლო სამუშაოების დასასრულებლად ვადა 9 სექტემბრამდე აქვს. პროექტის განხორციელებას ზედამხედველობას შპს „ოპტიმალ გრუპ+“ უწევს. გარდაბნის მუნიციპალიტეტში სულ 23 საბავშვო ბაღის აღდგენა მოხდება", ნათქვამია გარდაბნის მერიის პრესსამსახურის მიერ გავრცელებულ ინფორმაციაში.