„ქართული ოცნების“ წევრი სოფო კილაძე ხორავას ქუჩაზე მკვლელობის საქმის შემსწავლელი დროებითი საგამოძიებო კომისიის სხდომის დაწყებამდე ჟურნალისტებთან ამბობს, რომ ელოდება შოუს, რომელსაც ოპოზიცია დადგამს სხდომაზე. კილაძე დემოკრატიისკენ გადადგმულ ნაბიჯს უწოდებს იმ ფაქტს, რომ მინისტრები საგამოძიებო კომისიის კითხვებს უპასუხებენ.

„დღეს არის ძალინ მაღალი თანამდებობის პირების გამოკითხვა კომისიაზე და ესეც, ვფიქრობ არის ძალიან მნიშვნელოვანი ნაბიჯი დემოკრატიისკენ გადადგმული, იმიტომ რომ ჩვენ კიდევ ერთხელ ვამტკიცებთ, რომ საპარალამენტო საზედამხედველო ფუნქცია არის ძალიან მნიშვნელოვანი, მით უმეტეს კომისიის ფარგლებში და არავინ ამბობს უარს, მათ შორის, არც მინისტრები მოსვლაზე და აქ კონკრეტულ, მათშორის, მწვავე კითხვებზე პასუხის გაცემაზე. მე სიმართლე გითხრათ, ველოდები შოუს დადგმას ოპოზიციის მხრიდან, იმიტომ რომ ყველაფერი ამაზე მიანიშნებს, როგორც წესი ისინი ცდილობენ, ასეთი საკითხები გადააქციონ შოუდ“, განაცხადა სოფო კილაძემ.