„ლეიბორისტული პარტიის“ ლიდერი და პრეზიდენტობის კანდიდატი შალვა ნათელაშვილი საყდრისში იმყოფებოდა, საიდანაც განცხადება გააკეთა. ნათელაშვილის თქმით, ბიძინა ივანიშვილმა გადათხარა საყდრისი, რათა მილიონობით დოლარი ეშოვნა. ის ასევე ამბობს, რომ თუ გახდება პრეზიდენტი საყდრისს სახელმწიფო საკუთრებაში დააბრუნებს და დარჩენილი ოქროდან მიღებულ შემოსავალს ქვეყნის მოსახლეობას დაურიგებს.

„ორიოდე დღის წინ, ფულის ტომარა ოლიგარქი, გულამოსკვნილი გვიმტკიცებდა, რომ ის საქართველოში ბიზნესს არ აკეთებს და მხოლოდ და მხოლოდ თავის მილიონებს გვახარჯავს ჩვენ. აგერ, ნახეთ მისი გათხრილი ქართული მიწა და ამოღებული მილიარდობით დოლარის ოქრო, ვერცხლი და სპილენძი. ჩემი გაპრეზიდენტებისთანავე, ეს მთელი ტერიტორია გადაეცემა სახელმწიფოს, აიკრძალება ნგრევითი სამუშაოები, ივანიშვილს მოვატანინებთ რაც წაიღო და მთელი შემოსავალი ოქროდან და ვერცხლიდან დარჩენილი, მოგების სახით გადანაწილდება თითოეულ ქართულ ოჯახზე“, განაცხადა შალვა ნათელაშვილმა.