ცაგერში ცნობილი კომპოზიტორის ვაჟა აზარაშვილის 80 წლისადმი მიძღვნილი საიუბილეო საღამო „სიმღერაა მთელი ჩემი ცხოვრება“ შედგა. ღონისძიება გაიმართა მუნიციპალიტეტის მერის, ავთანდილ უგრეხელიძის და საკრებულოს თავმჯდომარის, გიორგი გუგავას ფინანსური მხარდაჭერით.

საპატიო სტუმარს გულთბილად მიესალმნენ ცაგერის კულტურის ცენტრთან არსებული ფოლკლორული ანსამბლი „სალაღობო“, ქალთა ანსამბლი „მერდინი“ და პროექტ „ნიჭიერის“ ფინალისტი გულნაზ გოლეთიანი.

საინტერესო საღამო, რომელშიც ვაჟა აზარაშვილთან ერთად მომღერლის მეუღლე, პოეტი მანანა დანგაძე და მომღერალი ზურაბ კობეშავიძე მონაწილეობდნენ, მიჰყავდა ლადო ხელაშვილს. ღონისძიების ბოლოს კულტურის ცენტრის დირექტორმა დარეჯან საღინაძემ საპატიო სტუმარს სამახსოვრო საჩუქარი გადასცა.

ლეჩხუმელ მსმენელთან ერთად, რომელთაც გულთბილად მიიღეს ხელოვანი სტუმრები, საღამოს ესწრებოდნენ მუნიციპალიტეტის მერი ავთანდილ უგრეხელიძე თავის ხელმძღვანელ პირებთან ერთად.

ინფორმაციას ცაგერის მუნიციპალიტეტის მერიის პრესსამსახური ავრცელებს.