საქართველოს პრემიერ-მინისტრმა ირაკლი ღარიბაშვილმა მეუღლესთან ერთად ვაკე-საბურთალოს დამაკავშირებელ გზასთან გაკეთებული სიმბოლური მემორიალი ყვავილებით შეამკო და სტიქიის შედეგად გარდაცვლილების ხსოვნას პატივი მიაგო.
როგორც ირაკლი ღარიბაშვილმა ჟურნალისტებთან საუბარში განაცხადა, ეს იყო ძალიან დიდი ტრაგედია და გარდაცვლილის ოჯახებს უსამძიმრებს.
"მე მინდა კიდევ ერთხელ მივუსამძიმრო გარდაცვლილების ოჯახებს. ეს ძალიან დიდი ტრაგედია იყო ჩვენთვის ყველასთვის. მე როგორც ვიცი, გუშინ დაიწყო სამოქალაქო პანაშვიდები. მე მინისტრები გავაგზავნე ყველა ოჯახებში და ჩვენ ყველანი ვგლოვობთ ამ საშინელ ტრაგედიას", - განაცხადა ღარიბაშვილმა.
როგორც პრემიერმა აღნიშნა, თბილისის მერიას და საკრებულოს აქვთ ინიციატივა, რომ ამ ადგილზე გაიხსნას სიმბოლური მემორიალი იმისთვის, რომ ჩვენ დავაფასოთ და მოვიხსენოთ მათი სულები ყოველთვის.
"გავიხსენოთ, რომ აქ, ამ ადგილზე დაიღუპნენ ჩვენი მოქალაქეები, კიდევ ერთხელ ვუსამძიმრებ მათ ოჯახებს და გამოვხატავ ძალიან დიდ გულისტკივილს, რომ ეს საშინელი ტრაგედია მოხდა ჩვენს ქვეყანაში და ჩვენი მოქალაქეები დაიღუპნენ", - განაცხადა ღარიბაშვილმა.
პრემიერთან ერთად სიმბოლური მემორიალი ყვავილებით შეამკეს თბილისის მერმა დავით ნარმანიამ და საკრებულოს თავმჯდომარე გიორგი ალიბეგაშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.