მას შემდეგ რაც ღაზას სექტორიდან სამხრეთ ისრაელის მიმართულებით ათეულობით რაკეტა იქნა გაშვებული, ისრაელის საპასუხო საჰაერო დარტყმებს ღაზაში სამი პალესტინელის სიცოცხლე ემსხვერპლა.
ღაზას ჯანდაცვის სამინისტროს განცხადებით, ჯაფარავის ტერიტორიაზე ორსული ქალი და მისი ერთი წლის ქალიშვილი დაიღუპა. ოფიციალური პირების განცხადებით, აფეთქებებს ჰამასის ჯარისკაციც ემსხვერპლა. დაზარალებულია სდეროთის რამდენიმე მოსახლეც.
ეს ძალადობრივი ინციდენტი მას შემდეგ მოხდა, რაც გაერო და ეგვიპტე ისრაელსა და ჰამასს შორის (ისლამისტური ჯგუფი, რომელიც აკონტროლებს ღაზას) ცეცხლის შეწყვეტის პროცესში შუამავლის როლის შსრულებას შეეცადა.
გაეროს ახლო აღმოსავლეთის დესპანმა, ნიკოლაი მლადენოვმა განაცხადა, რომ ის „უაღრესად აღშფოთებულია“.
„ამ მომენტამდე, ჩვენი კოლექტიური შრომის წყალობით, სიტუაცია მშვიდი იყო. თუ მოვლენების ამჟამინდელ განვითარებას მალევე არ მივხედეთ, სიტუაცია გაუარესდება ყველას საუბედუროდ“, განაცხადა მლადენოვმა.
ისრაელის თავდაცვის ძალებმა განაცხადეს, რომ ძალადობა მოჰყვა ღაზაში ჯარისკაცების მიერ ისრაელის ტექნიკის მიმართულებით ცეცხლის გახსნას. აღნიშნულის შემდეგ, ისრაელმა პასუხი ტანკების საშუალებით გასცა, რასაც ისრაელის მიმართულებით გაშვებული რაკეტები მოჰყვა. რაკეტებით თავდასხმაზე პასუხისმგებლობა ჰამასის სამხედრო ფრთამ აიღო.
ისრაელის თადვაცვის ძალებმა „ტვიტერზე“ განაცხადეს, რომ სამხედრო საავიაციო ხომალდებმა 140 მეტი ლოკაცია, მათ შორის, იარაღის მწარმოებელი და სამარაგო შენობები და ქარხნები, მიზანში ამოიღეს.
„ისრაელის ეს ნაბიჯი გუშინ ღამე მომხდარი რაკეტებით თავდასხმის პასუხია“, წერია განცხადებაში.
ვრცელდება ინფორმაცია, რომ ისრაელის ტერიტორიის მიმართულებით 150-მდე რაკეტაა გაშვებული.
ღაზა-ისრაელის საზღვარზე ბოლო ოთხი თვის განმავლობაში არაერთ შეტაკებას ჰქონდა ადგილი.
ისრაელის ძალებმა 160 პალესტინელზე მეტი დახოცეს ათასობით პალესტინელების პროტესტებისას, რომლებიც პალესტინელი დევნილების „ახალ ისრაელში“ დაბრუნებას ითხოვდნენ. ადამიანთა უფლებების დამცველმა ორგანიზაციებმა ისრაელის სამხედრო ძალები ძალადობაში დაადანაშაულეს, თუმცა, ისრაელი სამხედროების მტკიცებით, მათ ცეცხლი თავდაცვის მიზნით გახსნეს.
ამავდროულად, პალესტინელმა სნაიპერმა ერთი ისრაელელი ჯარისკაცი მოკლა, როდესაც ბუშტებსა და ფრანებზე მიმაგრებული ცეცხლის გამჩაღებელი მოწყობილობებით პალესტინელებმა სამხრეთ ისრაელის ტერიტორიის 3 000 ჰექტარი გადაწვეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.