ზეკარის უღელტეხილზე, დიდმაღალის ქედზე ადიგენის და ბაღდათის მუნიციპალიტეტების მეგობრობის ნიშნად, საერთო სახალხო დღესასწაული „ზეკარობა“ სხვადასხვა ღონისძიებებით აღინიშნა.
„ზეკარობას“ ადიგენის მუნიციპალიტეტის მერი ზაქარია ენდელაძე, პარლამენტის რეგიონული პოლიტიკისა და თვითმმართველობის კომიტეტის თავმჯდომარე ზაზა გაბუნია, ახალციხისა და ადიგენის მაჟორიტარი დეპუტატი გიორგი კოპაძე, ადიგენის საკრებულოს თავმჯდომარე იმედა მღებრიშვილი, ახალციხისა და ტაო-კლარჯეთის მიტროპოლიტი მეუფე თეოდორე, ასევე ბაღდათის მერი არჩილ გოგსაძე, ხარაგაულისა და ბაღდათის მაჟორიტარი დეპუტატი კობა ლურსმანაშვილი და სხვა საერო და საულიერო პირები ესწრებოდნენ.
ადიგენის მერიის პრესსამსახურის ცნობით, ხელმძღვანელმა პირებმა დღესასწაულზე შეკრებილებს „ზეკარობა“ მიულოცეს, ღონისძიების მნიშვნელობაზე ისაუბრეს და სტუმრებს სიმბოლური საჩუქრები გადასცეს.
„ღონისძიების ფაგლებში მოეწყო დოღი, გაიმართა გამოფენა-გაყიდვა, ასევე სტუმრებს საშუალება ჰქონდათ გაცნობოდნენ სხვადასხვა კუთხის სამზარეულოს, დასასრულს კი, საზეიმო კონცერტი გაიმართა.
საერთო სახალხო დღესასწაული „ზეკარობა“ ყოველწლიურად აღინიშნება მას შემდეგ, რაც ზეკარის უღელტეხილზე, დიდმაღალის ქედზე 2015 წლის 9 სექტემბერს ადიგენისა და ბაღდათის მუნიციპალიტეტებს შორის მეგობრობას ჩაეყარა საფუძველი", ნათქვამია ადიგენის მერიის პრესსამსახურის ინფორმაციაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.