„ნაციონალური მოძრაობის“ წევრი რომან გოცირიძე აცხადებს, რომ „ქართული ოცნების“ მიერ უარის თქმა პრეზიდენტთან კონსულტაციებზე უზენაესი სასამართლოს თავმჯდომარის კანდიდატთან დაკავშირებით ნიშნავს იმას, რომ პარლამენტი საერთოდ არ განიხილავს მარგველაშვილის კანდიდატს და საპრეზიდენტო არჩვენების შემდეგ იუსტიციის საბჭო დანიშნავს მმართველი გუნდის მორიგ მარიონეტს.

„პრეზიდენტის მიერ წარდგენილი კანდიდატურა არ თუ იქნება ჩაგდებული, არამედ საერთოდ არ შეიკრიბება პარლამენტი გამოიყენებენ საბაბად იმას, რომ საპრეზიდენტო არჩევნებია და შემდეგ დაელოდებიან ახალი კონსტიტუციის ამოქმედებას და იუსტიციის საბჭო დანიშნავს მორიგ მორჩილ მარიონეტს. ეს არის ამ განცხადების მთელი შინაარსი, მიუხედავად ამისა პრეზიდენტთან აქვს პოლიტიკური, მორალური, მათ შორის საერთაშორისო დატვირთვა“, განაცხადა რომან გოცირიძემ.