ექსპერტი გია ხუხაშვილი TV პირველის „დღის ამბებში დიანა ტრაპაიძესთან ერთად“ აცხადებს, რომ სალომე ზურაბიშვილს კი აქვს საპრეზიდენტო გარეგნობა, მაგრამ სრულიად არაკომპეტენტურია პრეზიდენტობისთვის. ხუხაშვილი ასევე ამბობს, რომ ზურაბიშვილი „ქართული ოცნების“ არაფორმალური წევრია.

„ადამიანი ჩემი აზრით, არის არაკომპეტენტური, არ აქვს სახელმწიფო მართვის არანაირი გამოცდილება, მხოლოდ ამბიციები აქვს. კი ბატონო გარეგნობა საპრეზიდენტო აქვს, მე მიხარია ეს და მსიამოვნებს რომ ვუყურებ, მაგრამ გარეგნობით არჩეული პრეზიდენტი რა ვთქვი, რაზე ვლაპარაკობ და ბიოგრაფიაზე გველაპარაკებიან. წინა საპარლამენტო არჩევნებზე „ქართული ოცნების“ რესურსით დასვეს პარლამენტში. ის რომ დიპლომატად მუშაობდა, არაფერს არ ნიშნავს, ჩვენ ვუყურებთ მის საქართველოში მოღვაწეობას, ეს მოღვაწეობა არის აბსოლუტურად არასტაბილური, აბსოლუტურად გაუგებარი, გინდაც მინისტრობის პერიოდი ავიღოთ, პროფესიონალი ადამიანები არ დატოვა საერთოდ სამინისტროში, ყველა გაყარა, ესეთი ადამიანია, აბსოლუტურად უმართავი. „ქართული ოცნების“ აქტივისტი იყო ბოლო წლები, რაის დამოუკიდებელ კანდიდატზე მელაპარაკებიან, „ქართული ოცნების“ წევრი სალომე ზურაბიშვილი შეიძლება ფორმალურად არ არის, მაგრამ აქტივისტი იყო ერთ-ერთი თავგადაკლული“, განაცხადა გია ხუხაშვილმა.